ສະຫາຍ ພົນຕີ ວັນທອງ ບຸດຕະວົງ ໂອ້ລົມພະນັກງານຫຼັກແຫຼ່ງ
ຢູ່ກອງບັນຊາການທະຫານແຂວງສາລະວັນ

     ໃນທ້າຍເດືອນ ຕຸລາ 2023 ຜ່ານມານີ້, ສະຫາຍ ພົນຕີ ວັນທອງ ບຸດຕະວົງ ກໍາມະການຄະນະພັກ ກະຊວງປ້ອງກັນປະເທດ
ຮອງຫົວໜ້າກົມໃຫຍ່ເສນາກອງທັບ ເຄື່ອນໄຫວຢ້ຽມຢາມ ແລະ ໂອ້ລົມພະນັກງານຫຼັກແຫຼ່ງຢູ່ ກອງບັນຊາການທະຫານແຂວງສາລະ
ວັນ, ມີສະຫາຍ ພັນເອກ ສໍາລີ ແກ້ວວົງສອງ ຮອງເລຂາຄະນະພັກ ຫົວໜ້າການທະຫານ ກອງບັນຊາການທະຫານແຂວງສາລະວັນ,
ມີຄະນະພັກ-ຄະນະບັນຊາ ອົງການ 5 ຫ້ອງ, ກອງພັນລວມ, ກອງຮ້ອຍເອກກະລາດ,ໂຮງຮຽນ, ໂຮງໝໍ ແລະ ພະນັກງານຫຼັກແຫຼ່ງ
ເຂົ້າຮ່ວມ.

     ສະຫາຍ ພົນຕີ ວັນທອງ ບຸດຕະວົງ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານ ແລະ ຜົນສໍາເລັດໃນໄລຍະຜ່ານມາທີ່ ກອງບັນ
ຊາການທະຫານແຂວງສາລະວັນ ຍາດມາໄດ້ ແລະ ເນັ້ນໜັກໃຫ້ຄະນະພັກ-ຄະນະບັນຊາ ໃນແຕ່ລະຂັ້ນຕ້ອງເອົາໃຈໃສ່ວຽກງານສຶກ
ສາອົບຮົມການເມືອງ-ນໍາພາແນວຄິດ ໃຫ້ພະນັກງານ-ສາມະຊິກພັກ-ນັກຮົບເປັນປົກກະຕິກໍາແໜ້ນແນວທາງນະໂຍບາຍຂອງພັກ,
ກົດໝາຍລັດ, ກໍາແໜ້ນນິຕິກໍາຂອງຄະນະພັກຂັ້ນເທິງມາຈັດຕັ້ງປະຕິບັດເຊື່ອມຊຶມ ໃຫ້ພະນັກງານ-ນັກຮົບເຂົ້າໃຈຢ່າງຈະແຈ້ງ ຕໍ່
ແນວທາງການປ່ຽນແປງໃໝ່ຂອງພັກ ປະຕິບັດລະບຽບກົດໝາຍຂອງລັດ, ຂໍ້ກໍານົດກົດລະບຽບຂອງກອງທັບຢ່າງເຂັ້ມງວດ, ເພື່ອຕອບ
ສະໜອງກັບຄວາມຮຽກຮ້ອງຕ້ອງການກັບໜ້າທີ່ການເມືອງຂອງກົມກອງໃນໄລຍະໃໝ່ ໂດຍປີ່ນອ້ອມ 4 ໜ້າທີ່ໃຫຍ່ 26 ແຜນງານທີ່
ກະຊວງປ້ອງກັນປະເທດວາງອອກ ໃຫ້ຄະນະພັກ-ຄະນະບັນຊາພ້ອມທັງພະນັກງານທຸກຂັ້ນຕ້ອງຍົກສູງການນໍາພາຮອບດ້ານສຸມໃສ່
ວຽກງານກຽມພ້ອມສູ້ຮົບ, ແກ້ໄຂປະກົດການຫຍໍ້ທໍ່ຕ່າງໆທີ່ເກີດຂື້ນ ເພື່ອຮັບປະກັນຂອບເຂດທີ່ຕົນຮັບຜິດຊອບໃຫ້ມີຄວາມສະຫງົບ
ໂດຍພື້ນຖານ, ຫັນເອົາກໍາລັງລົງກໍ່ສ້າງຮາກຖານການເມືອງໃຫ້ແຂງແຮງ ເອົາໃຈໃສ່ປັບປຸງແບບແຜນວິທີເຮັດວຽກໃຫ້ມີຄວາມສອດ
ຄ່ອງກັບວຽກງານຕົວຈິງ ແລະ ມີຄວາມເປັນເອກະພາບ ຍົກສູງຫຼັກການລວມສູນປະຊາທິປະໄຕ ເຮັດວຽກເປັນໝູ່ຄະນະ, ເອົາໃຈໃສ່
ກໍ່ສ້າງວຽກງານພັກ - ພະນັກງານ ໃຫ້ໜັກແໜ້ນເຂັ້ມແຂງ ຊຸກຍູ້ຂະບວນການກໍ່ສ້າງໜ່ວຍພັກປວດໃສ ເຂັ້ມແຂງ ໜັກແໜ້ນ ຖືເອົາ
ຄຸນນະພາບເປັນຫຼັກຕິດພັນກັບການສ້າງກອງ 3 ປອດ ແລະ ສ້າງກົມກອງວັດທະນະທໍາ-ນັກຮົບວັດທະນະທໍາ ພ້ອມທັງສ້າງພະນັກງານ
ລຸ້ນສືບທອດປ່ຽນແທນ ສຸມໃສ່ການຝຶກອົບຮົມຫັດແອບສິນລະປະຍຸດ-ຍຸດທະວິທີໃຫ້ມີຄວາມຊຳນິຊຳນານຄ່ອງແຄ້ວວ່ອງໄວ ແລະ ນໍາ
ພາກົມກອງກ້າວຂື້ນຢ່າງບໍ່ຢຸດຢັ້ງ.

ແຫຼ່ງຂ່າວໂດຍ ບຸນກອງ ຄໍາປະສົງ
ວັນທີ 03/11/2023